अमेरिकाय् सफू पितब्वज्या ज्याझ्वः

हना ज्याझ्वःया झ्वलय् हनेबहःम्ह भाजु मोहनकृष्ण डंगोलं च्वयादीगु सफू "भृकुटी" (अंग्रेजी भासं) सर्वसाधारणया निंतिं सार्वजनिक जूगु दु । नेवा देय् दबू (छगू नेवाः राष्ट्रिय संगठन, नेपाल) या सल्लाहकार श्री मोहनकृष्ण डंगोल व प्रेममोहन सिरपा गुथिया पाखें सचिव मय्जु रेनुका बसुकलां एनओएयात सुभाय् पौ लःल्हाना नायःयात फेट्टा (नेवाः परम्परागत सम्मान) लःल्हानादिल । उगु हे ज्याझ्वलय् एनओएया नायः भाजु श्रेष्ठं नेवाः संस्कृति व भाषाया प्रवद्र्धन व संरक्षणय् अथक योगदान यानादीम्ह भाजु मोहनकृष्ण डंगोलयात सुभाय् पौ लःल्हानादीगु खः ।